TIA IDEES PER I 50 EGN DEL ISTITUT LADIN DE FASCIA

Cari ladins,
Stimé duc,
del 2025 l Istitut Cultural Ladin “majon di fascegn” fèsc 50 egn. N bel travert caraterisà da enrescida, gaissa e condivijion per stravardèr e didèr viver e crescer l’identità, la cultura, l lengaz e la tradizions ladines.

Volassane che chisc 50 egn sie dassen spezièi e condividui con duc chi che a volù l Istitut, con chi che à lurà e colaborà co nos, co la jent de Fascia e ence co la jent che vegn da foradecà e che volessa spartir sia identità co la noscia.
Con chest curt formulèr ve domanon donca de ve palesèr e de manèr ite idees e conscidrazions sun coche ve saessa bel che chest cedean vegne recordà e festejà.

Este n ent publich o n soget privat? Na scola, na scolina, na istituzion, na sociazion, na familia, n ghest, n artist, n scritor, n artejan, n boteghier, n oprator turistich, n giaf o n joen o amò zeche da auter.

Scrivene ite tia idees!
La Majon di Fascegn l é ence tia majon!

E no te desmentièr de vegnir a la Gran Radunanza del Istitut ai 22 de november da les 5 domarena, a Soraga te La Gran Ciasa. Portaron dant e descoraron fora duta la idees toutes su per endrezèr adum i 50 egn de nosc Istitut!