Biblioteca ladina

BIBLIOTECA "PÈRE FRUMENZIO GHETTA"

La Biblioteca del Istitut nasc del 1981, apede a la biblioteca comunèla de Sèn Jan, e la doenta autonoma desche biblioteca spezialistica demò del 1983, canche la biblioteca comunèla se tramuda te n’autra senta. Dai prumes egn '80 la fèsc pèrt del Catalogh Bibliotecarie Trentin e dal scomenz di egn '90 ence del Sistem Bibliotecarie Trentin, ge dajan coscita l met ai utenc de poder aer azes a dut l patrimonie bibliografich e a si servijes. Dal otober 2014 la é dedichèda a la memoria del storich père Frumenzio Ghetta (1920-2014).

La biblioteca “Père Frumenzio Ghetta” la é spezialisèda en lengaz e cultura ladina, mendranzes, linguistica, antropologia generèla, etnografia alpina, folclor, storia locala trentina, studies de cultura materièla e letradura da mont.
La é tel prum partiment del Istitut Cultural Ladin e sie patrimonie librarie l é spartì anter Sezion moderna e Sezion storica.

Dut l patrimonie bibliografich l é tel Catalogh Bibliografich Trentin e se pel l consultèr te Internet tras LibriVision a la miscion <https://strutture-provincia.primo.exlibrisgroup.com/discovery/search?vid=39SBT_INST:39SBT_VU1>.
La biblioteca sporc servijes de consultazion, emprest de libres local e interbibliotecarie, didament te la enrescida bibliografica e orientament sul materièl che l é te senta.

Chiò se pel ence fèr fotocopies per doura personèla.